Food Bank ან Foodbank არის არაკომერციული საქველმოქმედო ორგანიზაცია, რომელიც აწვდის საკვებ პროდუქტებს იმ პიროვნებებსა და ოჯახებს, რომლებიც იმყოფებიან შიმშილისა და სიღარიბის ზღვარზე.
საქართველოში პირველი - ,,საქველმოქმედო ფონდი საკვების ბანკი“ 2019 წელს დაარსდა. ამავე წლის აპრილში ფონდმა აქტიური საქმიანობა დაიწყო და თბილისისა და რუსთავის მასშტაბით 20 ბენეფიციარი ოჯახი საკვებით მოამარაგა.
ქართული "საკვების ბანკი" სრულად იზიარებს მსოფლიოს საკვები ბანკების კონცეფციას და ბენეფიციარებს არა ფულადი სახის, არამედ უშუალოდ საკვები პროდუქტებით დახმარებას სთავაზობს.
Food Bank-ის მისიაა ხელი შეუწყოს საზოგადოებრივ კეთილდღეობას. საქველმოქმედო საქმეში ჩართოს მეტი პარტნიორი და მოხალისე, რათა საერთო ძალებით დავამარცხოთ ერთ-ერთი დიდი პრობლემა - შიმშილი!
Food Bank-ის მიზანი სიღარიბის ზღვარზე და ზღვარს მიღმა მყოფი პირებისა და ოჯახების უზრუნველყოფაა სასიცოცხლოდ მნიშვნელოვანი საკვებით.
დამატებითი ინფორმაციისთვის გაეცანით წესებს და პირობებს
