Beneficiaries

ეკატერინეს ჰყავს სამი შვილი, მათგან ორი არასრულწლოვანია. ოჯახთან ერთად ცხოვრობს მისი დედაც, რომელსაც ჯანმრთელობის პრობლემები აქვს და მუდმივ მოვლას საჭიროებს, რაზეც ეკატერინე ზრუნავს. ოჯახის ძირითადი და ფაქტობრივად ერთადერთი შემოსავალი ეკატერინეს ხელფასია, რადგან მეუღლე ჯანმრთელობის მდგომარეობის გამო მუშაობას ვერ ახერხებს. მიუხედავად იმისა, რომ ოჯახი სარგებლობს უფასო სასადილოთი, მათი ყოველდღიური საჭიროებების სრულად დაკმაყოფილება მაინც რთულია. ოჯახს ესაჭიროება დახმარება საკვებით, რათა შეძლონ ცხოვრების აუცილებელი პირობების უზრუნველყოფა.

სოფიო არის მარტოხელა დედა და ჰყავს ორი შვილი, მათგან ერთი არასრულწლოვანია და არის შშმ პირი, I ჯგუფის ინვალიდი, განვითარების ჩამორჩენით. ოჯახი ცხოვრობს საპატრიარქოს თავშესაფარში. სოფიოსთან ერთად ცხოვრობენ მისი შვილი, რძალი და ორი არასრულწლოვანი შვილიშვილი.ოჯახის ფინანსური მდგომარეობა მძიმეა - ძირითადი შემოსავალი სოციალური დახმარებაა, ხოლო სოფიოს ვაჟი მუშაობს მხოლოდ დროებით, როგორც მუშა, როცა ამის შესაძლებლობა ეძლევა. მიუხედავად იმისა, რომ ოჯახი სარგებლობს უფასო სასადილოთი, მათი ყოველდღიური საჭიროებები სრულად ვერ კმაყოფილდება. ოჯახს ესაჭიროება დახმარება საკვებით, რათა შეძლონ აუცილებელი საჭიროებების უზრუნველყოფა.

რუზანა ზრდის ორ არასრულწლოვან შვილს, მათგან ერთ-ერთი არის შშმ პირი, I ჯგუფის ინვალიდი, რომელსაც აქვს ეპილეფსია, ცერებრალური დამბლა და მაღალი ხარისხის მიოპია და საჭიროებს მუდმივ მოვლას. ოჯახი ცხოვრობს ქირით, რომლის დაფარვას სოციალური დახმარებით ახერხებს. მეუღლე დასაქმებულია დროებით სამუშაოებზე, რის გამოც ოჯახის შემოსავალი არასტაბილურია. ოჯახი სარგებლობს უფასო სასადილოთი. ესაჭიროებათ დახმარება საკვები პროდუქტებითა და ჰიგიენური საშუალებებით, მათ შორის პამპერსით.

ზინა არის მარტოხელა დედა და ჰყავს ერთი არასრულწლოვანი შვილი. ოჯახი ცხოვრობს ქირით, მათი ერთადერთი შემოსავალი სოციალური დახმარებაა, რომელსაც სრულად ქირაში იხდის. ზინას მუდმივი სამსახური არ აქვს და მუშაობს მხოლოდ დალაგებებზე, როცა ამის შესაძლებლობა წარმოიქმნება. რიგის გამო ვერ სარგებლობენ უფასო სასადილოთი, ამიტომ ყოველდღიური საჭიროებების მინიმალური დაკმაყოფილებისთვის მათ ესაჭიროებათ საკვებით დახმარება.

გვანცას ჰყავს 5 არასრულწლოვანი შვილი, მათ შორის პატარა ტყუპები, რომლებსაც ნაადრევი დაბადების შედეგად ჯანმრთელობის პრობლემები აქვთ და მუდმივ ყურადღებას საჭიროებენ. გვანცა მუშაობს მასწავლებლად, ხოლო მის მეუღლეს სიმაღლიდან ვარდნის შემდეგ დაუზიანდა ხერხემალი და მუშაობა არ შეუძლია. ოჯახი ცხოვრობს ქირით, რომლის დაფარვას სოციალური დახმარებით ახერხებს, რის შედეგადაც შვიდსულიან ოჯახს რჩება მხოლოდ გვანცას ხელფასი. რიგის გამო ვერ სარგებლობენ უფასო სასადილოთი, ამიტომ ოჯახს განსაკუთრებით სჭირდება დახმარება საკვებით, რათა ბავშვებს ყოველდღიური საჭიროებები უზრუნველყოფილი ჰქონდეთ.

თამარი არის მარტოხელა მოხუცი, რომელიც ცხოვრობს ქირით, რომლის დაფარვას ადგილობრივი გამგეობა უზრუნველყოფს. რამდენიმე წლის წინ მას ხანძრის შედეგად დაეწვა სხეულის 68%, რის გამოც გადაადგილება ძალიან უჭირს და ყოველდღიური საჭიროებების დაკმაყოფილებას ვერ ახერხებს დამოუკიდებლად. მისი ერთადერთი შემოსავალი არის პენსია, ამიტომ თამარს განსაკუთრებით სჭირდება დახმარება საკვებითა და ყოველდღიური მოვლის საშუალებებით, რათა შეძლოს ღირსეული ცხოვრება.

ანა არის მარტოხელა დედა, რომელსაც ჰყავს სამი არასრულწლოვანი შვილი. ისინი ცხოვრობენ ანას პენსიონერ დედასთან და ბებოსთან, რომელიც საწოლს არის მიჯაჭვული და მხოლოდ ანა უვლის. დედას ჯანმრთელობის პრობლემების გამო ვერ შეუძლია ბავშვების დამოუკიდებლად დატოვება, რის გამოც ანაც ვერ მუშაობს. ოჯახი ვერ სარგებლობს უფასო სასადილოთი რიგის გამო, მათი ერთადერთი შემოსავალი არის სოციალური დახმარება და ბებიის პენსია. ოჯახს ესაჭიროება დახმარება საკვებით.

ოთარი ცხოვრობს დედასთან ერთად. ისინი ცხოვრობენ ქირით, რომელსაც დედის პენსიით იხდიან. ოთარის დედა უსინათლოა, რის გამოც ოთარი უწყვეტად უვლის მას და ვერ ახერხებს მუდმივ სამსახურში მუშაობას. დროებით, როცა შესაძლებლობა ეძლევა, მუშაობს მუშად, რათა ოჯახის საყოფაცხოვრებო ხარჯები და საკვები უზრუნველყოფილი ჰქონდეს. ოჯახი ვერ სარგებლობს უფასო სასადილოთი რიგის გამო და ყოველდღიური საჭიროებების დაკმაყოფილება მათთვის ძალიან რთულია. მათ განსაკუთრებულად სჭირდებათ დახმარება საკვებით.

ანას ჰყავს ორი არასრულწლოვანი შვილი. მეუღლე მუშაობს მძღოლად, რაც მათი ერთადერთი შემოსავალია. ოჯახი ვერ სარგებლობს სოციალური დახმარებითა და უფასო სასადილოთი მისამართის ცვლილების გამო. მათ განსაკუთრებულად სჭირდებათ დახმარება საკვებით, რათა შეძლონ ყოველდღიური საჭიროებების უზრუნველყოფა.

მანანას ჰყავს ხუთი არასრულწლოვანი შვილი, მათ შორის ერთი შშმ პირი, რომელიც არის I ჯგუფის ინვალიდი და აქვს ტერნერის სინდრომი. მეუღლემ მიიღო მძიმე დაზიანება კიბიდან ჩამოვარდნის შედეგად და ვერ ახერხებს მუშაობას, რის გამოც ოჯახს არ აქვს სხვა შემოსავალი და ერთადერთი ფინანსური მხარდაჭერა სოციალური დახმარებაა. ისინი სარგებლობენ უფასო სასადილოთი, თუმცა მათი ყოველდღიური საჭიროებების უზრუნველყოფა მაინც ძალიან რთულია. მათ განსაკუთრებით სჭირდებათ დახმარება საკვებითა და თანხით, რათა ყოველდღიური მინიმალური საჭიროებების დაკმაყოფილება შეძლონ.