ბენეფიციარები

ანას ჰყავს ორი არასრულწლოვანი შვილი. მეუღლე მუშაობს მძღოლად, რაც მათი ერთადერთი შემოსავალია. ოჯახი ვერ სარგებლობს სოციალური დახმარებითა და უფასო სასადილოთი მისამართის ცვლილების გამო. მათ განსაკუთრებულად სჭირდებათ დახმარება საკვებით, რათა შეძლონ ყოველდღიური საჭიროებების უზრუნველყოფა.

ზინა არის მარტოხელა დედა და ჰყავს ერთი არასრულწლოვანი შვილი. ოჯახი ცხოვრობს ქირით, მათი ერთადერთი შემოსავალი სოციალური დახმარებაა, რომელსაც სრულად ქირაში იხდის. ზინას მუდმივი სამსახური არ აქვს და მუშაობს მხოლოდ დალაგებებზე, როცა ამის შესაძლებლობა წარმოიქმნება. რიგის გამო ვერ სარგებლობენ უფასო სასადილოთი, ამიტომ ყოველდღიური საჭიროებების მინიმალური დაკმაყოფილებისთვის მათ ესაჭიროებათ საკვებით დახმარება.

რუზანა ზრდის ორ არასრულწლოვან შვილს, მათგან ერთ-ერთი არის შშმ პირი, I ჯგუფის ინვალიდი, რომელსაც აქვს ეპილეფსია, ცერებრალური დამბლა და მაღალი ხარისხის მიოპია და საჭიროებს მუდმივ მოვლას. ოჯახი ცხოვრობს ქირით, რომლის დაფარვას სოციალური დახმარებით ახერხებს. მეუღლე დასაქმებულია დროებით სამუშაოებზე, რის გამოც ოჯახის შემოსავალი არასტაბილურია. ოჯახი სარგებლობს უფასო სასადილოთი. ესაჭიროებათ დახმარება საკვები პროდუქტებითა და ჰიგიენური საშუალებებით, მათ შორის პამპერსით.

გვანცას ჰყავს 5 არასრულწლოვანი შვილი, მათ შორის პატარა ტყუპები, რომლებსაც ნაადრევი დაბადების შედეგად ჯანმრთელობის პრობლემები აქვთ და მუდმივ ყურადღებას საჭიროებენ. გვანცა მუშაობს მასწავლებლად, ხოლო მის მეუღლეს სიმაღლიდან ვარდნის შემდეგ დაუზიანდა ხერხემალი და მუშაობა არ შეუძლია. ოჯახი ცხოვრობს ქირით, რომლის დაფარვას სოციალური დახმარებით ახერხებს, რის შედეგადაც შვიდსულიან ოჯახს რჩება მხოლოდ გვანცას ხელფასი. რიგის გამო ვერ სარგებლობენ უფასო სასადილოთი, ამიტომ ოჯახს განსაკუთრებით სჭირდება დახმარება საკვებით, რათა ბავშვებს ყოველდღიური საჭიროებები უზრუნველყოფილი ჰქონდეთ.

თამარი არის მარტოხელა მოხუცი, რომელიც ცხოვრობს ქირით, რომლის დაფარვას ადგილობრივი გამგეობა უზრუნველყოფს. რამდენიმე წლის წინ მას ხანძრის შედეგად დაეწვა სხეულის 68%, რის გამოც გადაადგილება ძალიან უჭირს და ყოველდღიური საჭიროებების დაკმაყოფილებას ვერ ახერხებს დამოუკიდებლად. მისი ერთადერთი შემოსავალი არის პენსია, ამიტომ თამარს განსაკუთრებით სჭირდება დახმარება საკვებითა და ყოველდღიური მოვლის საშუალებებით, რათა შეძლოს ღირსეული ცხოვრება.

ანა არის მარტოხელა დედა, რომელსაც ჰყავს სამი არასრულწლოვანი შვილი. ისინი ცხოვრობენ ანას პენსიონერ დედასთან და ბებოსთან, რომელიც საწოლს არის მიჯაჭვული და მხოლოდ ანა უვლის. დედას ჯანმრთელობის პრობლემების გამო ვერ შეუძლია ბავშვების დამოუკიდებლად დატოვება, რის გამოც ანაც ვერ მუშაობს. ოჯახი ვერ სარგებლობს უფასო სასადილოთი რიგის გამო, მათი ერთადერთი შემოსავალი არის სოციალური დახმარება და ბებიის პენსია. ოჯახს ესაჭიროება დახმარება საკვებით.

ოთარი ცხოვრობს დედასთან ერთად. ისინი ცხოვრობენ ქირით, რომელსაც დედის პენსიით იხდიან. ოთარის დედა უსინათლოა, რის გამოც ოთარი უწყვეტად უვლის მას და ვერ ახერხებს მუდმივ სამსახურში მუშაობას. დროებით, როცა შესაძლებლობა ეძლევა, მუშაობს მუშად, რათა ოჯახის საყოფაცხოვრებო ხარჯები და საკვები უზრუნველყოფილი ჰქონდეს. ოჯახი ვერ სარგებლობს უფასო სასადილოთი რიგის გამო და ყოველდღიური საჭიროებების დაკმაყოფილება მათთვის ძალიან რთულია. მათ განსაკუთრებულად სჭირდებათ დახმარება საკვებით.

მანანას ჰყავს ხუთი არასრულწლოვანი შვილი, მათ შორის ერთი შშმ პირი, რომელიც არის I ჯგუფის ინვალიდი და აქვს ტერნერის სინდრომი. მეუღლემ მიიღო მძიმე დაზიანება კიბიდან ჩამოვარდნის შედეგად და ვერ ახერხებს მუშაობას, რის გამოც ოჯახს არ აქვს სხვა შემოსავალი და ერთადერთი ფინანსური მხარდაჭერა სოციალური დახმარებაა. ისინი სარგებლობენ უფასო სასადილოთი, თუმცა მათი ყოველდღიური საჭიროებების უზრუნველყოფა მაინც ძალიან რთულია. მათ განსაკუთრებით სჭირდებათ დახმარება საკვებითა და თანხით, რათა ყოველდღიური მინიმალური საჭიროებების დაკმაყოფილება შეძლონ.

ანგელინას ჰყავს სამი არასრულწლოვანი შვილი, მათგან ორი შშმ პირია. ერთს აქვს ცერებრალური დამბლა და I ჯგუფის ინვალიდია, მეორეს აქვს გონებრივი ჩამორჩენილობა და განვითარების ეტაპების დაყოვნება, რომელიც ასევე I ჯგუფის ინვალიდია. ოჯახი ცხოვრობს ქირით, რომელსაც სოციალური დახმარებით იხდიან. მეუღლეს მუდმივი სამსახური არ აქვს და მუშაობს მუშად, როცა ამის შესაძლებლობა მიეცემა. მრავალშვილიანობის დახმარებას ვერ იღებენ, რადგან ოჯახი არ არის თბილისში რეგისტრირებული. მისამართის ცვლილების გამო ვერ სარგებლობენ უფასო სასადილოთი. ოჯახს ესაჭიროება დახმარება საკვებით.

მზია ზრდის შვილიშვილს, რომელიც არის შშმ პირი, I ჯგუფის ინვალიდი, ცერებრალური დამბლით, 4 ხარისხის სმენა-ჩლუნგობით, ასევე, პრობლემა აქვს მეტყველებასთან დაკავშირებით და ვერ ლაპარაკობს. მზიასთან ერთად ცხოვრობს მისი და და მისი გოგო, რომელიც არის მარტოხელა დედა და ჰყავს ორი არასრულწლოვანი შვილი. ოჯახი სარგებლობს უფასო სასადილოთი, მათი ერთადერთი შემოსავალი არის სოციალური დახმარება და პენსია. ოჯახს სჭირდება მხარდაჭერა საკვებითა და ფინანსურად, რათა ყოველდღიური მინიმალური საჭიროებების დაკმაყოფილება შეძლონ.