ბენეფიციარები

ირინა არის მარტოხელა ხანდაზმული ადამიანი. მისი წინა საცხოვრებელი სახლი სამშენებლო კომპანიამ დაუნგრია, რის შედეგადაც იგი ქუჩაში დარჩა და ამჟამად იძულებით არის შესახლებული. მის ერთადერთ შემოსავალს წარმოადგენს პენსია, რომელიც მის ყოველდღიურ საჭიროებებს ვერ ფარავს სრულად .ბენეფიციარი სარგებლობს უფასო სასადილოთი. ესაჭიროება დამატებითი დახმარება სურსათითა და პირველადი საჭიროების ნივთებით.

"გოჩა და მისი მეუღლე ორივე არიან მეორე ჯგუფის შშმ პირები. გოჩას აქვს მხედველობის პრობლემა და ამპუტირებული აქვს ერთი ხელი. მეუღლეს ასევე აღენიშნება ძლიერი მხედველობის პრობლემა. ოჯახის ერთადერთი შემოსავალი შშმ პირთა პენსიაა, რომელიც წინასწარ აქვთ გამოტანილი, რის შედეგადაც ამჟამად მხოლოდ პენსიის ნახევარს იღებენ. გოჩას ოჯახი ცხოვრობს იმ სახლში, რომელიც „იავნანას“ ფონდმა შეიძინა მათთვის. სასადილოთი ვერ სარგებლობენ, რადგან მათ ტერიტორიაზე არ მსგავსი სერვისი. ოჯახს ესაჭიროება დამატებითი დახმარება სურსათითა და აუცილებელი საჭიროებების უზრუნველყოფით. "

ირმა არის მარტოხელა დედა. იგი ცხოვრობს შვილთან და ორ არასრულწლოვან შვილიშვილთან ერთად. ჯანმრთელობის პრობლემების გამო ირმა ვერ ახერხებს მუშაობას. მისი შვილი მუშაობს მოლარედ, თუმცა მხოლოდ რეზერვშია - მუშაობს მაშინ, როცა მას გამოიძახებენ. ოჯახი ვერ სარგებლობს უფასო სასადილოთი რიგის გამო. ესაჭიროებათ დახმარება საკვებით.

ხვიჩა არის მარტოხელა მამაკაცი, მეორე ჯგუფის შშმ პირი. მას ამპუტირებული აქვს ერთი ფეხი, რის გამოც ვერ ახერხებს მუშაობას. საცხოვრებელი ფართი ხვიჩას მერიამ დაუკანონა. მის ერთადერთ შემოსავალს წარმოადგენს შშმ პირის პენსია, რომელიც წინასწარ აქვს გამოტანილი, ამიტომ ამ ეტაპზე იღებს მხოლოდ პენსიის ნახევარს.ხვიჩას ესაჭიროება დახმარება სურსათით, რათა შეძლოს ყოველდღიური საჭიროებების დაკმაყოფილება და ჯანმრთელობის.

ნათელა არის მარტოხელა ხანდაზმული ქალი. მას აღენიშნება ონკოლოგიური დაავადება - სიმსივნე, რის გამოც შეზღუდულია შრომისუნარიანობა. დის გარდაცვალების შემდეგ, მას მოუხსნეს სოციალური დახმარება, შესაბამისად, ერთადერთი შემოსავალი ამ ეტაპზე მხოლოდ სახელმწიფო პენსიაა. ნათელა ვერ სარგებლობს უფასო სასადილოთი სოციალური დახმარების არქონის გამო. საჭიროებს დახმარებას პირველადი სურსათითა და ფინანსური მხარდაჭერით, რათა შეძლოს ყოველდღიური საჭიროებების დაკმაყოფილება და მკურნალობის პროცესის გაგრძელება.

ნინო არის მარტოხელა დედა, რომელიც მარტო ზრდის ხუთ შვილს, მათგან სამი არასრულწლოვანია. ნინო ამ დროისთვის ვერ ახერხებს მუშაობას, რადგან არ ჰყავს დამხმარე, ვინც შეძლებს და ბავშვებს მოუვლის. ოჯახის ერთადერთ შემოსავალს წარმოადგენს სოციალური დახმარება. ნინო და მისი შვილები სარგებლობენ უფასო სასადილოთი. ოჯახს ესაჭიროება დამატებითი დახმარება სურსათით, რათა შეძლონ ყოველდღიური საჭიროებების დაკმაყოფილება

ნაზი არის ოთხი არასრულწლოვანი შვილის დედა. მეუღლე დასაქმებულია დროებით სამუშაოებზე - მუშაობს მაშინ, როცა გამოიძახებენ, რის გამოც ოჯახის შემოსავალი არ არის სტაბილური.ოჯახი ცხოვრობს ქირით, რომლის დაფინანსებას უზრუნველყოფს გამგეობა. სოციალური დახმარება მათ დროებით შეჩერებული აქვთ ერთი წლით მისამართის ცვლილების გამო. ნაზის ოჯახი სარგებლობს უფასო სასადილოთი, თუმცა არსებული მდგომარეობიდან გამომდინარე კვლავ საჭიროებს დამატებით მხარდაჭერას, განსაკუთრებით საკვებით უზრუნველყოფის კუთხით.

ქეთევანი არის ორი არასრულწლოვანი შვილის დედა. მეუღლე დასაქმებულია არასტაბილურ სამუშაოზე - მუშაობს დროებით მუშად, რის გამოც ოჯახის შემოსავალი არ არის მუდმივი. ოჯახის ძირითადი შემოსავალი წარმოადგენს სოციალური დახმარება. ისინი ვერ სარგებლობენ უფასო სასადილოთი რიგის სიმრავლის გამო. ქეთევანის ოჯახს ესაჭიროება დახმარება სურსათით, რათა შეძლონ ყოველდღიური საჭიროებების დაკმაყოფილება.

ნინო არის მარტოხელა დედა, რომელიც ზრდის ორ არასრულწლოვან შვილს. ოჯახის ერთადერთი შემოსავალი წარმოადგენს სოციალური დახმარება. ნინო ამ დროისთვის ვერ ახერხებს მუშაობას, რადგან არ ჰყავს დამხმარე, ვინც შეძლებს ბავშვების მოვლას. ოჯახი ვერ სარგებლობს უფასო სასადილოთი რიგის სიმრავლის გამო. ნინოს ოჯახს ესაჭიროება დახმარება სურსათით, რათა შეძლონ ყოველდღიური საჭიროებების დაკმაყოფილება.

თამარი არის მარტოხელა დედა, რომელიც ზრდის ერთ არასრულწლოვან შვილს. ოჯახი ცხოვრობს ქირით - 5 კვ.მ ფართობის პატარა ოთახში, რომლის ქირას თამარი სოციალური დახმარებით ყოველდღიურად იხდის. რიგის სიმრავლის გამო ოჯახი ვერ სარგებლობს უფასო სასადილოთი. თამარის ოჯახი უკიდურესად გაჭირვებულ მდგომარეობაში იმყოფება და საჭიროებს დახმარებას როგორც სურსათით, ისე ფინანსურად, რათა შეძლონ საბაზისო საჭიროებების დაკმაყოფილება და საცხოვრებელი პირობების შენარჩუნება.